雅虎香港電視

【Now財經台】一直堅持以直營模式經營業務嘅海底撈(06862)，最新宣布將著手推行海底撈餐廳特許加盟經營模式，希望提升營能力及效率，有助品牌擴展至更多區域，呢個策略係咪合理？

信達國際研究部董事趙晞文指，內地餐飲股前幾年一直受疫情影響，經營業績大幅倒退，甚至倒閉，海底撈本身主戰場喺一二線城市，經營戰略開始向低線城市下沉，特許加盟經營模式令店舖擴張速度及滲透率，比集團自己開舖更快，而公司較聚焦增長動力，估計同業亦會有類似動作。

佢又話，依家整體經濟大環境都講緊「消費降級」，近期海底撈做緊中低價餐飲嘅新系列，由於現時仍處於發展初期階段，相信市場唔會對呢個新系列有太大期望。

股價方面，趙晞文指，海底撈一直喺14元水平徘徊，一直衝唔到上去，未來要留意經營業績及關鍵績效指標(KPI)，短期就要睇13元有冇支持。