【專家分析】新世界必須減派息

3 個月前

【Now財經台】新世界發展(00017)今日(23日)除淨,除去因為出售同系新創建集團(00659)持股,套現超過200億元後,派發1.59元特別息。此外,新世界被美銀證券降評級兼狠劈目標價29%,美銀估計,新世界2024年度會繼續削減派息,因為租金收入唔足以應付財務開支。

艾德金融聯席董事陳政深表示,減派息係合理及必要,因為集團嘅財務健康比股東收幾多股息更緊要,據美銀估算,新世界暫時冇短期嘅流動性風險,股東可以稍為安心。不過,佢認為減派息嘅副作用係令公司吸引力下降,加上本港樓市前景唔樂觀,更加不利新世界發展。Ryan估計,新世界股息會減到1.6元附近。