雅虎香港電視

【Now財經台】中國恒大(03333)上周四到期嘅美元債仍未還息，但今個星期三又有另一筆債息到期要支付，另一方面，恒大汽車(00708)終止上海科創板上市嘅計劃，又有消息指中央未到最後一刻都唔會介入，到底恒大危機會否成為另一個雷曼兄弟事件？

星展銀行(香港)豐盛私人客戶執行董事鄧威信相信，恒大唔會好似雷曼牽起一場金融風暴，因恒大冇牽涉龐大嘅衍生工具，公司亦有土地儲備等真正資產。

佢又認為，內地監管部門嘅處理方法係拖延時間，令恒大可有序出售有價資產以應對債務。