雅虎香港電視

【Now財經台】美股進入業績高峰，多家科技巨企噚晚(30日)派咗成績表，其中，微軟(Microsoft)收入增速係兩年以來最快，不過，Google母公司Alphabet上季多賺近52%，但Google廣告及搜尋業務收入差過預期，至於全球第2大晶片商AMD今季收入展望低過分析員平均預測，3隻股份盤後都要跌，但整體業績仍維持增長，係咪都算交到貨？

潤淼資產管理董事盧志威指，上面提及嘅公司中，AMD面對最大問題，同英特爾(Intel)一樣，集團正面對個人電腦及遊戲機伸展需求下降問題，雖然兩隻都係之前表現搶鏡嘅半導體股，但放榜後都要跌，所以要小心呢類股進入調整期。William又話，雖然微軟業績好，但噚晚都要偏軟，相信係之前升得太多，Alphabet情況亦差唔多，因為股價過去1年累升50%，所以就算業績好過預期，中線都要小心。