雅虎香港電視

【Now財經台】俄烏局勢惡化，美股噚晚先升後回，其中道指連跌5日，而標指及納指更雙雙陷入技術性調整，3大指數齊下試8個月低位，投資者應趁機撈底，還是投降？

東亞財富管理部首席投資策略師李振豪指，從歷史角度睇，地理摩擦通常喺1個月内就會完結，不過，俄烏局勢不斷升溫，加上聯儲局好快就會加息，睇返過去30年嘅加息周期，美股喺第1次加息都會跌10%至15%，所以大市喺呢3至4個星期下跌完全唔出奇。佢又話，如果想撈底，起碼要等到第3次加息，因為美股到時先有機會觸底反彈。