雅虎香港電視

【Now財經台】蘋果公司(Apple Inc.)喺美國時間周一(10日)舉行全球開發者大會(WWDC)，正式宣布進軍人工智能(AI)領域備受關注嘅AI技術Apple Intelligence壓軸登場，會將有關技術整合至各個系統，支援iPhone及iPad等產品。此外，Apple會同ChatGPT開發商OpenAI合作，用戶可以喺Siri免費使用ChatGPT，但市場反應似乎相對「冷靜」，有咗AI元素後嘅Apple，公司前景及股價係咪會樂觀啲？

資深投資者莫家強指，Apple喺AI領域大落後，iPhone 15銷售冇驚喜，令股價過去1年只係平穩，如果要股價重拾上升動力，最重要始終係iPhone銷售，iPhone 16會加入AI功能，只要iPhone加到價，就會有較大上升動力。

Alex又話，如果市場接受到新機加價兼大賣，對股價有好大提振作用，如果利潤率亦有改善，預期股價未來18個月將會有可觀升幅。