雅虎香港電視

【Now財經台】評級機構穆迪日前下調中國評級展望至「負面」，主要係憂慮當局透過財政政策，刺激及支持地方政府和國營企業，導致經濟前景不明朗，甚至構成下行風險。其實過去一段時間，唔少大行及經濟分析師，都表達過對內地經濟前景嘅憂慮，尤其內房問題，到底現時內地經濟形勢係點？

資深銀行家張泰強指，中國經濟過去一段長時間係上得好快，而經濟有上有落亦好正常，穆迪今次嘅行動係基於佢依家見到嘅情況，例如房地產的確係面對挑戰，但佢指出，早前曾去過內地，唔覺得內地人睇得特別悲觀，熱門旅遊地點人山人海，高鐵又好多人坐，唔少人認為內地經濟係可以繼續向前行。

喺外部需求疲弱下，內地經濟其實好需要內需支撐，但好多人擔心房地產市場拖住經濟後腿，導致內循環唔係好似預期咁順暢，張泰強呢個擔心係可以理解，又話...