雅虎香港電視

【Now財經台】各大行都睇好2024年美國經濟前景，對經濟增長預測都幾樂觀，其中，摩根大通估計，美國經濟出現「硬著陸」嘅機會僅15%，滙豐證券及高盛就預期，2024年全年美國經濟增長達1.4%及2%。到底美國經濟前景係咪咁樂觀？

資深銀行家王仕雄估計，美國經濟今年增長約1.5%，並好大機會「軟著陸」，主要係美息已見頂，因此，2024年一定有減息空間。雖然美國消費者嘅消費態度弱咗，但因為就業情況理想，美國人更願意消費，消費能力都高咗。另一方面，由於利率開始回落，相信房地產市場亦會回暖，呢啲都係美國經濟嘅正面因素。