雅虎香港電視

【Now財經台】財政司司長陳茂波日前喺網誌話，本港存款量增長5%，證明繼續有資金流入，但值得留意係，好少分析會以存款量作為資金流向指標，資深經濟師羅家聰又認唔認同財爺嘅觀點？

KC表示，存款增加的確有機會係資金流入，但最準確都係參考金融管理局嘅外匯淨資產數字，而存款增加亦都有其他原因，包括銀行印銀紙，或循環貸存頻密，槓桿倍數大，不過，依家銀行貸款生意疲弱，所以係後者嘅機會唔大。佢又指，印銀紙後市民應該會投資或消費，但依家反而將啲錢放喺銀行，然後話經濟表現好及有資金流入，似乎唔太合理。

KC續稱，存款量只係反映貨幣量嘅多少，而喺金管局網站可以睇到存款長期還是短期，如果唔少存款都做3個月以下定存，可以解讀為係為投資做準備，若大部分存款都係長時間定存，呢啲就係「死錢」。