雅虎香港電視

【Now財經台】從事電力設備、重型機械及核電設備等業務嘅上海電氣(02727)，向母公司收購寧笙實業100%股權，後者持有從事工業機械人業務嘅日本企業發那科(Fanuc)50%股權，現金代價逾30億人仔，上海電氣股價今日(21日)大幅炒上，一度飆逾39%，點睇上海電氣今次呢單收購？

《香港股票財技密碼》作者梁杰文認為，上海電氣股價今日升上1個月高位，係反映上海電氣同發那科毋須再磨合呢個亮點，因為上海電氣早於3年前已持有發那科業務，已經好熟悉對方嘅經營方針，所以收購完成後，就可以即時產生協同效應，未來亦為上海電氣盈利帶嚟大幅增長空間。