【星級理財】林秀怡分享罐仔儲錢法 積少成多救病母
172,595 次觀看
年紀輕輕的林秀怡入行已經超過十年,同好多其他演員一樣都係由五千蚊月薪捱起⋯⋯ 佢話初入行時雖然人工唔高,但都會將薪金全部交俾媽媽,再由媽媽發放「零用錢」,一般都係兩千蚊左右,佢話兩千蚊已經相當夠洗,因為屋企一切開支都由媽媽負責,自己又唔會亂買野,連女孩子最愛的護膚品都少買,自然花費不多,仲有閒錢儲添! 佢話佢習慣用「罐仔」儲錢,出糧之後喺銀行拎晒啲錢出嚟,之後放入罐仔,再逐少逐少咁洗,好處係隨時可以知道自己用剩幾多和儲倒幾多,見住啲錢愈儲愈多會有成功感,令自己想繼續儲落去。最終佢用呢個方法儲落嘅錢,幫佢救咗媽媽一命⋯⋯ 話說幾年前秀怡媽媽病咗,需要一大筆錢醫病,秀怡多年嚟用佢嘅「罐仔儲錢法」儲咗三十萬左右,就一次過拎嚟俾媽媽醫病。不過三十萬都未夠,佢仲要碌卡碌多三十萬。不過佢無悔孭到一身卡數,話最緊要都係媽媽健康,錢可以慢慢還,真係孝順女!而佢亦因為呢個經歷,開始為自己買保險,希望幫自己買一份保障。 之後秀怡又講到自己嘅人生大事,都係靠用罐仔儲錢!佢話已經認定男友,預計三十五歲之前結婚,希望先用幾年時間儲錢,目標係儲五、六十萬,辦一場好好睇睇嘅婚禮。不過佢話,唔希望為咗儲錢而令大家壓力太大。為咗結婚日日捱麵包,咁就唔係幾好啦! 最後,佢仲分享咗佢對金錢同人生嘅睇法,佢認為金錢雖然重要,但生命和健康更加緊要。佢話即使俾你儲到八十歲好有錢,但到時郁都郁唔倒,咁嘅人生又有咩意義呢? 想睇秀怡點儲錢,點捱苦,開始苦盡甘來,即刻睇呢集【星級理財】!
登入即可發佈回覆。

Yahoo有權移除任何不符 規範服務條款(包括粗俗或鼓勵犯法)之留言。

熱門商品