雅虎香港電視

韓國要求中國旅客入境後進行檢測，如果新冠病毒呈陽性要入住隔離酒店。有內地網民分享經驗，話入境後嘅遭遇尤如遊街示眾，感到屈辱。 微信公眾號有網民發文，話被公司外派到韓國出差，抵達首爾後，會收到一張黃色入境卡，需要掛喺胸前，落機之後，會走一條專門俾中國旅客嘅出關通道，並要求留十隻手指指紋黎確認身份，之後就排隊檢測，但通道有記者不斷影相，好似被遊行示眾一樣，冇私隱可言。 但依位網民話，工作人員嘅態度仲可以，又會有人一直安撫情緒，最後喺機場逗留咗四五個鐘先可以番到酒店。