趙立堅被調離外交部發言人一職 妻曾稱希望他辭職回家

2,067 次觀看・1 年前
前外交部發言人趙立堅被調任至邊界與海洋事務司副司長,其實自從上年12月初,趙立堅已經冇出現喺新聞發布會,「戰狼」發言人被調走,有人猜測係唔係中國外交風格將會轉換。 趙立堅被網民戲稱為「戰狼」,黎自佢多次強硬發言,例如疫情期間,佢話能夠生活喺中國,「你們就偷著樂吧」。2020年,澳洲與中國關係轉差,趙立堅又喺推特發文,指控澳洲喺阿富汗犯戰爭罪行,引起澳洲抗議。 趙立堅嘅妻子湯天如活躍喺微博,佢曾經講過,發言人一職早出晚歸,人工唔高,又要受人責罵,希望丈夫早啲辭職番屋企。