【財經TOP SEARCH】復星股價繼續橫行

13,861 次觀看・1 年前

【Now財經台】截至早上11時止,1小時內《彭博》用戶關注度上升最多港股,依次為李寧(02331)、復星國際(00656)、中國海洋石油(00883)、世茂集團(00813)、信義光能(00968)。

復星今早開市前停牌,公司指有待刊發一項可能嘅內幕訊息,據《彭博》報道,復星出售旗下南鋼股權相關資產,對價約150億元,公司財務都有壓力,連番出售青島啤酒(00168)、復星醫藥(02196)、復星旅遊文化(01992)、招金礦業(01818)、新華保險(01336)等資產或減持股權。

富昌證券聯席董事譚朗蔚指,股份喺9月中前期已畀市場傳有財困跡象,過去兩個月,公司減持好多財務投資,可以補充返啲資金,對公司嚟講都算係中性偏正面嘅消息,當大市不斷破底,復星股價其實唔算太差,由9月中後期到依家,股價其實一直都橫行緊,基本面雖然有補足資本,但始終缺乏利好因素,定位作為一家綜合企業,炒作因素唔係咁清晰,預期股份會係低位橫行一段時間,反而,同復星相關嘅上市子公司要小心會有大股東減持嘅負面消息因素,有機會捱沽。