雅虎香港電視

【Now財經台】截至早上11時止，1小時内《彭博》用戶關注度上升最多港股，依次為開拓藥業(09939)、舜宇光學(02382)、佳兆業集團(01638)、創科實業(00669)及聯想集團(00992)。

開拓藥業指，旗下新冠藥物普克魯胺喺嘅臨床數據顯示，治療輕中症、非住院新冠患者有成效，刺激開拓藥業股價今朝一度急升逾2倍，補返去年底嘅下跌裂口，但喺250天線行人止步，到底現價係咪已完全反映治療成果？

耀才證券研究部經理譚智樂指，呢類藥股股價經常大上大落，藥物如果成功及受歡迎，的確可以為公司帶來可觀收入，但要留意藥物嘅有效性會令股價大升升大跌。

Arnold又提醒，呢類藥股嘅投資者必須有一定風險承受能力，唔應該見股價升得多就盲目入市，佢建議投資者消化及考慮清楚再部署。