雅虎香港電視

英女王伊利沙白二世9月8日逝世，終年96歲。國葬將定於本月19日舉行，有英國傳媒指，預期會有約500個國家政要出席，但就無向俄羅斯、白羅斯及緬甸發出邀請。 英女王嘅國葬會喺西敏寺舉行，英女王嘅靈柩會從今日起，移到西敏廳，下午開始供公眾24小時瞻仰及悼念，直至19日早上，當天會舉行國葬，最後靈柩移送至溫莎堡聖喬治教堂，英女王將長眠於此。 預計全世界大部分國家政要或王室都會出席葬禮，美國總統拜登、日本首相岸田文雄、加拿大總理杜魯多等，而日皇德仁、丹麥女王瑪格麗特二世等王室都會出席。 但相信由於俄羅斯及白羅斯入侵烏克蘭而受英國制裁，因此唔會獲邀，而英國近期加強對羅興亞人支持，緬甸目前同遭英國制裁，因此亦唔會獲邀。