雅虎香港電視

香港將會喺11月舉行國際投資峰會，但防疫措施仍然存在，新加坡又同時間舉行金融科技節，一度令外界擔心金融界不願意出席香港嘅峰會。不過，有傳媒報導，至少20間跨國金融巨企已經答應出席國際投資峰會，當中包括匯控行政總裁祈耀年、渣打集團行政總裁溫拓思等。 外界一度憂慮會遭新加坡「搶客」，不過現時消息指，匯控、渣打、摩根士丹利、花旗、貝萊德、高盛、瑞銀及摩通等嘅行政總裁級數人物，已經準備前往香港，另外有一啲華爾街嘅投行高層就正在考慮，或視乎香港會唔會取消三日酒店隔離措施。 據指，當日銀行高層會先與金管局進行半日閉門會議，第二日就會舉行小組討論或演講組成嘅投資峰會，會議將保持簡短，等高層可以拜訪香港客戶及員工。