【股市脈搏】美團未進軍香港先拖冧股價

【Now財經台】港股暫時連跌第5日,重磅股美團(03690)係其中一個跌市元兇,股價今朝一度挫逾6%,低位見142元。

《人民日報》連續3日發文,指要堅持清零政策,市場擔心會唔會拖慢經濟復甦,美團日前話計劃進軍香港及海外嘅外賣市場,但市場明顯唔係咁睇好,可能心知又要燒錢,美團股價近日不斷尋底,向下較大支持位已經係3月大跌市時低位,即103.5元水平。

睇返美團周線圖,逾1年嘅下降通道底喺110元水平,似乎好大機會下試「紅底」,要留意美團下個月就會出第3季業績,公司對上幾季都虧損收窄,有分析估計,美團上季有機會扭虧為盈,要留意市場會唔會下調或更改相關預測。