【股市脈搏】新股奈雪的茶招股超購後潛水

【Now財經台】大市繼續冇明顯方向 ,兩隻上市新股,相對被忽略嘅和黃醫藥(00013)強勢,而焦點奈雪的茶(02150)公開招股超購逾400倍,但股價潛水,最新潛水約10%。

今季超購倍數更多嘅新股,除咗時代天使(06699)強勢,其餘走勢麻麻,好似科濟藥業(02171)要潛水。另一隻京東物流(02618)上市足月無耐,公開招股超購超過700倍,股價上市第4日一度高見48元樓上,較招股價40.36元高近20%,但之後散水,連開過七枝陰燭,暫時無乜表現,喺低位徘徊,只較招股價高約4%,分析員平均目標價近約49.8元,與較招股價相比差距不遠。