【股市脈搏】又傳撲水!?中國水務又插水

2,546 次觀看・1 年前

【Now財經台】中國水務(00855)早段沽壓相當大,早市一度重挫逾11%,低見5.37元,跌至逾1年低位。

外電近期引述消息指,中國水務籌組緊銀行貸款,涉及最多2.5億美元,主要為之前嘅貸款再融資。其實集團6月都傳過配股集資還債,但後來公司作出澄清。

不過,睇返中國水務股價似乎都受財政狀況困擾,今年累跌近50%,而5元至6元水平係一個大橫行區,後市要睇住係咪企得穩。此外,投資者都要留意喺加息周期下,孭債重或財政實力略差嘅公司,經營壓力會相當大。