【股市脈搏】佳兆業復牌又冧難翻身?

【Now財經台】多隻內房相關股先後破底,再創52周新低,其中包括今朝復牌嘅佳兆業集團(01638)。

佳兆業今朝裂口低開逾7.6%後,跌勢加劇,一度挫近12%,低見0.81元,跌至逾9年低位。

睇返日線圖,佳兆業走勢一浪低於一浪,面對近期內房氣氛極度低迷,而繼惠譽後,標普又宣布中國恒大(03333)違約,世茂集團(00813)及富力地產(02777)亦遭評級機構下調評級,內房股幾時可以「劫後重生」,睇嚟短期機會都唔大。