雅虎香港電視

美國有衛生官員近日表示，除非出現完全唔同嘅新冠變異病毒，否則可能每年會建議民眾以類似流行性感冒嘅方式，接種新冠加強劑。首席醫療顧問福奇表示，接種嘅疫苗會每年更新，針對當時流行嘅病毒株。 當局又話，長者與免疫功能有缺憾嘅人可能要更頻繁接種疫苗，一旦出現完全唔同嘅變異株，或會更改每年一針嘅政策，官員又指，民眾可以同時接種新冠疫苗及流感疫苗。 早前美國已開展接種「二價疫苗」嘅加強劑，總統拜登亦呼籲民眾喺冬天前接種二價疫苗。二價疫苗係針對現時全球流行嘅BA.4/BA.5變種病毒研製。