雅虎香港電視

【Now財經台】據《彭博》報道指，蘋果公司計劃推出「iPhone訂閱制」，即未來iPhone可以用類似租賃方式，提供畀消費者，若用家平均3年換1次機，意味Apple每3年先可以賺同一個用家嘅錢，如果集團真係推訂閱制，Apple可以攞返換機時間嘅主動權，係咪有利集團嘅收入？

易方資本投資總監王華指，如果真係推出呢個計劃，日後Apple嘅收入會穩定啲之餘，亦較易掌握，用家期望每次出新機性能都會升級，因此，「iPhone訂閱制」對用家嚟講，可以話係「用二手貨換新貨」，有一定吸引力，加上投資者比較鍾意資料數據更清晰嘅股份，以判斷買唔買得過，如果真係推出，相信不論收入，還是投資者關注度，都對Apple有正面作用。