烏克蘭軍反攻親俄勢力加緊推「入俄」公投 麥當勞基輔重開

1 年前
烏克蘭軍近日展開反攻行動,取得唔少進展,並繼續向東南推進,近日幾乎奪回整個哈爾科夫,目前向頓巴斯地區推進。 由親俄組織控制嘅頓巴斯地區,自稱為「盧甘斯克人民共和國」及「頓涅茨克人民共和國」宣布,將一連五日舉行公投,而烏克蘭南部,由親俄組織控制嘅南赫爾松州及扎波羅熱州亦舉行公投。 多國就批評俄羅斯,法國總統馬克龍表示,國際社會唔會承認公投,美國國家安全顧問沙利文就指,呢啲公投遲早會發生,但大家都知係結果受到操縱。 另一方面,烏克蘭其他地方戰事稍為緩和,國際連鎖快餐店麥當勞琴日重新喺首都基輔營業,係俄羅斯喺2月入侵烏克蘭後首次,麥當勞表示,與烏克蘭官員及專家商討後,決定重新開張,初時只會提供外賣,但到10月會全面恢復營業。