雅虎香港電視

【Now財經台】日圓上周創左32年新低後，依家暫時喺148水平兌1美元樓上，日圓年至今已累計貶值22%，日本央行干預完一次後，就冇再出手，又唔見有廣場協議2.0，日圓係咪要下試150水平？

獨立外匯商品分析師譚家康指，今次主要利率變化來自兩國息差及利率方向嘅不同，相信150水平好容易就試到，但日圓會跌到咩水平就難啲估，日央行上次干預嘅時間點其實麻麻，干預完日圓都冇止跌，美國公布CPI嗰日唔同貨幣、美股都有現轉勢，唯獨日圓冇，反映日圓弱勢持續，日央行行長黑田東彥任期去到出年3月，現時相信日央行唔會參與太多，預期150水平一定會到，但之後再下試邊個位就係未知數。