【期匯決算】Yen暫難扭轉弱勢

【Now財經台】日本央行將會喺周四議息,雖然市場預期會按兵不動,但關注貨幣政策委員會唔會拋出收緊貨幣政策嘅條件,還是日本同環球主要央行嘅息差繼續拉闊?

資深外匯分析師陳欣指,雖然日本8月核心消費物價指數(CPI)按年升2.8%,創近8年新高,雖然通脹偏高,但日央行好有可能繼續維持寬鬆措施,因爲行長黑田東彥多次提及要維持寬鬆措施及低利率,以支持工資增長,反映政策唔會有大改變,加上黑田任期只餘半年,如果呢個時候有大動作,對佢本人及日本都有好大風險。

Chase又話,日圓暫時都好難扭轉弱勢,145水平未必係真正底位,後市要留意150守唔守得住。