【期匯決算】鎳價好難估頂

19,838 次觀看・2 年前

【Now財經台】憂慮俄羅斯受制裁令供應鏈中斷,鎳價噚日一度狂飆90%後,今日升得更癲,一度再炒高1倍,高見每噸10.1萬美元以上,近日多種商品期貨都抽升,點解鎳價升幅特別驚人?

信誠證券及期貨投資服務部董事蕭猷華表示,鎳價喺歐洲交易時段開市後裂口高開,但之後已回落到8萬美元水平,相信主要同市場欠缺供應有關。Tony認為,雖然俄羅斯嘅鎳產量只係佔整體10%,但由於車廠對鎳嘅需求好大,加上唔少投機、避險資金湧入商品市場,佢相信,供求失衡嘅情況短期仍會持續,又話好難估計鎳價會升到邊個水平,估計要等到俄烏局勢轉穩,鎳價回穩先有望回穏。