【期匯決算】金價落返1845美元可吸納

【Now財經台】如果美元新一輪反彈浪係可以預見,金價短期亦應該見頂,後市係一個橫行整固格局?現貨金價變動不大,最新喺每盎司1880美元上落,其實今年影響金價走勢嘅因素唔止美元,仲有加密貨幣,到底依家金市最主要睇咩因素?

SAXO Markets高級市場分析師潘梓生指,比特幣(Bitcoin)近排跌得勁,有資金流返入貴金屬市場,帶動金價過去兩個月升咗約13%,係一個比較實在嘅支持,其實過去一段時間,即使美元反彈,但金價仍keep住有得升,同埋持續強勢,佢估計,金價喺1845美元水平有較大支持,亦係較好嘅吸納水平。