【期匯決算】金價有機回落至1850美元

【Now財經台】金價噚日由每盎司1930美元回落到1900美元以下,市場關注被歐美制裁嘅俄國央行,係咪會將國內嘅黃金儲備沽出應付資金需要,會唔會窒礙金價升勢?

信誠證券及期貨投資服務部董事蕭猷華指,過去幾年,俄羅斯央行不斷去美元化,減持美債及研發自家支付系統,加上俄羅斯同亞洲嘅貿易往來愈嚟愈頻繁,除非中國等亞洲國家制裁俄羅斯,否則,今次西方國家嘅制裁,未至於重創俄羅斯經濟,所以焦點都會去返美國加息,佢估計,金價上望空間有限,仲會逐步回落到第一個支持位,即1850美元水平。