雅虎香港電視

【Now財經台】俄羅斯總統普京承認烏克蘭東部兩個分離地區獨立國家地位，並會派維和部隊進駐，美國同歐盟齊聲譴責，相應的制裁措施有幾辣、令局勢升級到邊個地步係一大未知數。金價抽升高見每盎司1914美元，相當逼近去年6月以來高位。目前地緣政局形勢會惡化到乜程度，而金價見花旗嘅短線目標價1950美元機會?

信誠證券及期貨投資服務部董事蕭猷華表示，金價短線嚟講有機會受惠於地緣政局而攀升，但中線反而向下睇。Tony認為，真正開戰嘅機會較低，亦相信市場都已經預期會出現經濟制裁。

Tony表示，目前金價上升反映住地緣政治局勢緊張，但都升唔穿1920美元水平，阻力較大，而局勢緩和之後相信要睇金價嘅基本面，要留意加息周期開始之後，會對金價有不利，可能會落返1800美元水平。