【期匯決算】聯儲局加息步伐難料

【Now財經台】美國CPI及PPI都低過預期,後者更加係逾兩年以來首度按月回落,美匯指數連跌4日後喘定,暫時仍守得住105,今個星期暫時仍累跌逾1%,睇最新出爐嘅數據,係咪可以確認美國通脹見頂?

瑞穗銀行首席亞洲外匯策略師張建泰指,美國整體通脹應該已見頂,因為近月商品價格及上月汽油價格雙雙回落,不過,睇返核心通脹,食物價格及房租仍然上升,所以聯儲局會唔會放慢加息步伐,仍然係未知之數,要睇多一至兩個月數據,見到通脹顯著回落再作判斷,佢又認為,聯儲局有機會再加息穩定通脹預期。