有人疑食「雞泡魚乾」中毒 食店澄清由雜魚肉合成

11,172 次觀看・1 年前
早前衛生防護中心公布,有一名男子疑喺尖沙咀一間燒烤食店進食河豚魚乾後中毒,其後該食店澄清,所謂河豚魚乾,俗稱為「雞泡魚乾」,實際上係用雜魚肉合成曬乾,因此食店已將菜式改名為「味醂魚乾」。 當局早前公布,一名22歲男子疑進食河豚魚乾後,出現嘴邊及四肢麻痺和刺痛、心悸同埋虛弱。該男子有喺Facebok回應,稱自己當天並唔確定係咪因為食物而唔舒服,只係喺當局不斷查問下,大概說明情況,對影響到餐廳感到唔好意思。 燒烤食店亦澄清,食環署已派人調查,又指魚乾唔係由河豚製成,故客人可以放心食用。河豚本身帶有毒素,分布喺身體唔同部位,一般而言如果要食用,廚師需要處理得非常小心。