日本傳媒報導，首相岸田文雄將喺未來幾日內，宣布10月恢復個人自由行，即取消目前需要向旅行團申請先可入境旅遊嘅限制，又會取消每日入境5萬人嘅上限。 《日經新聞》報道，日圓嘅匯率近日創24年新低，加上秋季係旅遊旺季，日本將豁免對美國同埋其他一啲國家嘅短期旅客簽證要求，希望可以振興經濟，但旅客仍需符合某些條件，包括要已接種疫苗等。 又有傳媒引述官員指，會允許個人旅行及直接訂機票住宿，唔需要再向旅行社申請安排。