政府琴日宣布取消部分防疫措施，包括撤銷表列場所人數容量上限、入酒吧無須快測等，但港大感染及傳染病中心總監何栢良就批評，內地都認為新冠肺炎應改為新冠感冒，香港持續八個月碎步式復常，放喺國際之中係大落後。 何栢良認為，香港本地個案有超過98%係輕症，認為應該取消用作限制表列處所嘅599F以及限聚令，佢話，外國都喺三個月內完成復常，包括取消口罩令、疫苗通行證，而香港嘅碎步式復常係大落後。