內地以及澳門早前都取消咗確診者隔離嘅措施，輕症患者可以番工。政府專家顧問孔繁毅今日話，內地對新冠病毒嘅管理，同流感冇大分別，建議香港可以取消確診者嘅隔離令，只要唔係重症，戴口罩就可以番工。 孔繁毅話，香港免疫屏障非常高，除咗大部分人接種咗疫苗，估計有約500萬人已受感染，產生混合免疫，所以應該盡快取消確診者隔離令。 佢又認為，如果通關後確診無明顯上升，跨境人士可以快測代替核酸，甚至取消檢測要求，都對香港疫情影響唔大。