雅虎香港電視

【Now財經台】港股跌足4個星期，但REITs表現相對硬淨及穩陣，統計全球6大市場及亞太區4個主要市場表現，發現唔少REITs都可以跑贏當地指數，其中以亞太區，澳洲及新加坡嘅REITs表現較突出，點解會出現呢個現象？

香港大學房地產及建設系客席副教授楊書健指，出現呢個現象主要受大市氣氛影響，港股1月成功跑出，但近兩月持續弱勢，投資者避險時，就會諗到REITs，由於地產行業主要受本地因素影響，而澳洲及新加坡呢啲國家相對唔太受軍事或政治因素影響，帶動資金湧入呢啲國家嘅REITs。