雅虎香港電視

【Now財經台】特首林鄭月娥任內最後一份施政報告，主要聚焦長遠規劃，而焦點就落喺北區發展，施政報告後，樓市氣氛冇乜轉變，有代理喺施政報告後做嘅調查發現，雖然市民仍對樓市有信心，但真係有計劃入市嘅市民比例，其實唔及往年，上周公布嘅中原城市領先指數(CCL)都回落至12周低位，但數據仲未反映施政報告嘅影響。

成家網上投資課程導師徐冠鴻指，上周公布嘅CCL只係反映幾個星期前嘅市況，睇返啱啱過去嘅周末，二手成交多返，睇樓量亦明顯增加，主要係樓市喺施政報告前靜咗一排，依家只係填補返之前嘅需求，更有賣家見市旺封盤，所以嚟緊嘅12月傳統淡季，交投靜返都唔意外，但相信樓市今個月會旺返一排。