雅虎香港電視

【Now財經台】內房股佳兆業集團(01638)上月宣布最多派逾2.8億元中期股息，不過，上周五突然「彈弓手」撤回派中期息，係繼畀境外債主追數，撤回派中期息嘅當代置業（01107）後，又一隻因為水緊取消派息嘅內房股，其實股票除息後唔派息係咪合理？

成家網上投資課程導師徐冠鴻指，2020年都有大銀行試過除净後唔派息，當時都引起一輪討論，佢認爲，唔派息仍然係合規合法，因爲冇派發嘅股息仍然喺公司，股東利益冇受損。

諗Sir又話，以股價殘唔派息，但股價同公司嘅内涵值唔係掛鈎，所以股價殘同最終有冇將除净嘅錢攞出嚟派係兩回事，投資者必須留意。