雅虎香港電視

近日內地以及香港都逐漸撤銷所有防疫措施，政府專家顧問許樹昌今日話，新冠實際上已變成風土病，只要打足針就唔洗擔心。佢自己打咗五針，曾經刻意除低口罩同確診家人傾計，最後都冇感染。 許樹昌話，近日打咗三針嘅患者死亡個案有上升，估計係已接種咗一段時間，抗體水平有下降，佢呼籲高危群組要打第四針。 佢又話，近日內地瘋傳Omicron變種XBB1.5會令患者出現肚瀉、失禁，係不實資訊，冇任何變種病毒會影響腸胃，至少一定唔洗搶尿片。佢話，所有病毒越變種，致命率就越低，只要打足疫苗就冇事。