【Now財經台】蘋果公司iPhone 14系列預售反應理想，刺激Apple股價噚晚急升近4%，更帶挈在港上市嘅手機設備股造好，不過，全球經濟都唔好，iPhone銷量亦大不如前，係咪都預咗呢啲手機設備股唔襟炒？ 華盛証券經紀部董事李偉傑指，其實真係未必可以炒太耐，除咗「M字額」變「動態島」，市場始終關注規格變動，雖然iPhone 14嘅鏡頭像素提升至約4800萬像素，但有手機有可能提升至1億像素，因此，iPhone 14嘅躍進性見唔到，加上換機潮亦未必好似往年咁積極。Jason又話，蘋果概念股短期會繼續受惠於iPhone 14開售效應，但Android系嘅喺需求及躍進性都遇到樽頸位。