【專家分析】點解阿里、京東美股畀拼多多KO?

【Now財經台】美股8月10大升幅及10大跌幅榜都搵到3隻中概股,其中內地3大電商股之一拼多多及貝殼8月累升45%和27%,而小鵬汽車由於業績不似預期,上個月累跌逾20%,至於另外兩隻電商龍頭阿里巴巴及京東集團,8月僅累升6%,點解表現會有咁大分野?

鴻鵠資產管理行政總裁兼首席投資總監陸庭龍認為,拼多多爆升主要係之前跌得太多,所以近期借勢反彈,但只係收復返之前嘅失地,本身未必有太強嘅利好因素支持。

佢又話,內地經濟受環球經濟衰退影響,電商銷售亦會受消費萎縮打擊,加上兩隻龍頭股有政策風險及大股東減持嘅消息,所以阿里、京東升得少係唔出奇。