很抱歉,您使用的瀏覽器版本過低。 建議改用 Google Chrome, Firefox, Microsoft Edge 以獲得最佳瀏覽經驗!
【專家分析】電動車股炒車因被擊中「要害」
【Now財經台】俄烏局勢持續緊張,令市場擔心俄羅斯呢個全球鎳、鋁、鈀金嘅供應重鎮,會因多國嘅金融制裁導致供應鏈中斷,作為新能源車電池「命脈」嘅鎳,價格突破每噸10萬美元,而鋁、鈀金價格之前亦再破頂,對電動車股影響有幾大? 獨立股評人李偉傑指,電池係電動車嘅「命脈」,如果電池生產成本急升會造成好大影響。佢又話,市場對俄羅斯局勢感到悲觀,喺淡倉活動影響下,鎳價喺短短3日內,由每噸2萬美元飆升至10萬美元。李偉傑又指,俄羅斯嘅鎳供應中斷,導致鎳價飆升,必定會影響新能源車生產成本,並有機會轉嫁畀消費者,導致喺本港上市嘅新能源車股,例如比亞迪股份(01211)、理想汽車(02015)、小鵬汽車(09868)跌幅都比傳統車股大。
熱門商品