【專家分析】避險市場大亂油價升到失控?

【Now財經台】俄烏今日會再埋枱傾,但俄羅斯不單冇放軟手腳,仲發動更大規模攻擊,令避險資產需求增加,油價繼續衝高,其中布油喺亞洲交易時段突破每桶110美元,而10年期美債息曾跌穿1.7厘,跌至近兩個月低位。

艾德證券期貨投資策略總監文錦輝指,好多國家最後都會對俄羅斯商品實施制裁、禁運,就算伊朗回歸原油出口市場,產量只係俄羅斯一半,美股噚晚收市後,油價已升穿107美元,反映油價已失控。

Felix又話,雖然地緣政局緊張,但聯儲局最大目標仍然係遏通脹,美國通脹已升到7.5%,加息0.25厘係完全冇用,佢相信,聯儲局下個月一定會加息,亦會繼續執行偏緊嘅貨幣政策。