雅虎香港電視

【Now財經台】港股9月開局曳，恒指5日累跌910點，噚日收市總算守得住19000關口，不過，四川成都多區延長封控，內地外匯儲備又跌至近4年最少，恒指喺年底前會唔會跌穿3月中低位，即約18235點？

資產管理行政總裁陸庭龍指，恒指的確有機會下試3月中低位，不過，其實唔需要太介意指數會唔會跌穿19000點，因為龍頭股或新經濟股跌幅或遠大於恒指，部分較貼近民生嘅零售股，受經濟周期影響都顯著下跌，意味市場愈來愈進入經濟衰退嘅諗法，即使通脹短期內可能出現回落跡象，但已經唔係市場焦點。

佢又話，內地以寬鬆貨幣政策刺激經濟，不過，年底至明年步入衰退嘅可能性仍較高，其中零售股前景有機會進一步轉差。