雅虎香港電視

【Now財經台】東風集團(00489)公布，旗下東風本田會設立電動車新工廠，估計初期產能12萬架，但股價今朝衝高3.7%後，升幅就不斷收窄。汽車股之中，東風嘅PE最平，集團又有回A計劃，點解股價炒唔起？

艾德證券期貨聯席董事陳政深指，雖然新能源汽車係一個好嘅發展方向，但呢個項目佔東風嘅收入佔比好細，好難喺財務報表上反映出嚟，加上東風生產嘅只係混能汽車，唔係純電動車，而集團估值低亦反映市場對東風生產線轉型冇乜信心，所以低PE、回A計劃都推唔郁東風股價，令到股價喺7元水平有好大阻力。