雅虎香港電視

【Now財經台】香港科技探索(01137)最新畀大和削目標價至9元，又特別提及，公司依家揸住逾3200萬港元，由俄羅斯主要金融機構發行嘅債券，依家俄羅斯面臨西方家國嘅制裁，呢筆債券可唔可以收返都係未知數，呢批債券對公司財務有幾大影響？

華盛証券分析師聶振邦指，香港科技探索嘅網購平台有逾300款俄羅斯產品，應該對俄嘅經濟狀況有一定了解，加上公司買入嘅俄羅斯債券，係由金融機構發行，回報有7厘至8厘，加上投資期長，9年後債券到期時嘅局勢，應該同依家係兩回事，再加上呢批債券喺俄烏爆發戰事前買入，係「投資」級別債券，加上佔公司債券組合唔夠10%，聶Sir認為，對公司財務影響唔算大，暫時大幅撇帳嘅機會唔高。