【專家分析】聶Sir:用孖展抽微創機器人要預咗揸一陣
5,247 次觀看
【Now財經台】港股今個月彈返起,但新股表現認真麻麻,而8月以來上市嘅10隻新股,80%要「潛水」,但噚日微創醫療(00853)旗下微創機器人(02252)第一日招股,孖展反應唔錯。 華盛証券證券分析師聶振邦指,如果睇認購倍數,微創機器人明顯係好返啲,首日孖展已超購約46倍,好過之前兩隻新股好多,某程度上係概念比較吸引,之前上市嘅B仔股都係同藥業、器材有關,如果同機械人有關暫時只得呢隻,所以市場較受落,而微創機器人招股規模唔算好大,所以都預期招股反應會比較熱烈。聶Sir又話,用現金抽風險唔係好大,但用孖展抽有可能蝕息,所以要有心理準備要持貨一至兩個月。
熱門商品