【專家分析】聯儲局「收水」納指有難

【Now財經台】美國聯儲局一如預期,維持利率不變,議息聲明話,如果當地經濟持續復甦,好快就會落實縮減QE,但冇拋出時間表,主席鮑威爾喺記者會提及,最快2022年中結束「收水」可能係合適,之後又話,如無意外下次議息,即11月就可以減少買債。

東亞銀行財富管理部首席投資策略師李振豪指,鮑威爾嘅講法係偏鷹,「收水」速度亦比市場預期快,如果睇返點陣圖,美國明年就要加息,再睇埋利率期貨,下半年加息機會高達50%,反映市場有心理準備縮表步伐係好快,咁就會對美股不利,估計納指會率先調整,以現時估值推算,納指有機會跌10%。佢又估計,聯儲局會喺11月5日宣布「收水」,原因係...