雅虎香港電視

【Now財經台】聯儲局官員繼續放鷹，聖路易斯聯儲銀行行長布拉德認為，如果要應對高通脹，息口下半年要加到3.5厘，佢嘅言論一度震散美股，但3大指數噚晚先跌後升，不過，隨著聯儲局向市場明確傳達會快速縮表後，市場對聯儲局官員嘅鷹派言論已經冇咁敏感，但聯儲局嘅政策風險對市場嘅衝擊會持續幾耐?

華盛証券分析師聶振邦指，市場會根據最新嘅經濟數據，去評估加息帶來嘅影響，由於美國新領救濟人數跌到53年來最低水平，相信加息唔會令美國經濟衰退。不過，聶Sir話，美股升勢始終唔強，道指噚晚收市升唔夠100點，納指更幾乎冇升跌，所以要谷消費係言之尚早。