雅虎香港電視

【Now財經台】美國聯儲局議息前夕，美國10年期債息重上1.6厘，美匯指數就逼近91。美國總統拜登稍後將會發表演說，市場預期，華府將會公布新一輪刺激經濟方案，會唔會令通脹預期升溫？債息又會點走？

艾德證券期貨投資策略總監文錦輝Felix指，聯儲局之前講過，美國會出現短暫通脹，但近期糧食及貨品價格上升，又上調咗最低工資，種種迹象顯示似乎係長期通脹，有機會升到3%至3.5%。佢又話，最主要睇聯儲局議息後，有冇新動作，如果有新政策出嚟，美股可能會出現震盪。

Felix估計，債息好大機會急升，雖然富人稅好難過到國會呢關，但呢啲動作都有可能推高通脹。